دليل التوعية بسبل الهجرة الآمنة

وزارة الدولة للهجرة و شئون المصريين بالخارج

الهدف التأهيل للسفر بشكل آمن وكذلك الإندماج في المجتمع المضيف

 

 

ما هي الخطوات المطلوبة قبل السفر

  1. حدد أحلامك وأفكارك
  2. اعرف الدوافع ومثيرات الاهتمام بالهجرة
  3. جمع معلوماتك
  4. اعرف طرق الهجرة الآمنة
  5. احسب المكاسب والخسائر المترتبة على قرار السفر
  6. خد قرارك

ما هي الخطوات التي تلي القرار بالسفر

  1. التعامل مع السفارات
  2. التدريبات المطلوبة
  3. نصائح الاستعداد للرحلة
  4. الارشادات الواجبة  ( إفعل & لا تفعل)
  5. الاندماج في المجتمعات المضيفة

 

طرق الهجرة الآمنة

 

 تعرف إيه عن طرق السفر الي الخارج ؟؟؟

هناك  طرق كتير آمنة ممكن تسافر بيها للبلد اللي انت عاوز تروحها 

السفر للسياحة

ممكن تاخد تأشيره سياحه للبلد اللى انت عاوز تروحها، بس لازم تاخد بالك ان تأشيرة السياحه بتبقى مدتها محدده حسب قوانين كل دوله يعنى لو قعدت فى البلد مده أطول من المسموحه هتتحول لمهاجر غير شرعى وتترحل أو تتحبس، وليها شروط ونظم لازم تتبعها وانت بتقدم عليها في السفارة وكل الشروط دي موجودة دايما على موقع السفارة او على باب السفارة اللي انت عاوز تسافر ليها

السفر للدراسة

لو انت عاوز تكمل تعليمك او تدرس مهنة في نظام التدريب المهني التابع لاي دولة، لازم تعرف ان شرط اساسي لقبولك في الدراسة عندهم انك تكون بتعرف لغتهم يعني لو ايطاليا لازم تعرف لغة ايطالية لو فرنسا لازم تعرف لغة فرنساوي لو امريكا لازم تعرف انجليزي، وبرضوا لازم تعرف ان ليها شروط وطرق تقديم في السفارة ممكن تلاقيها على موقعهم على الانترنت او على ابواب السفارة نفسها، وممكن تتواصل معاهم بالتليفون عن طريق خدمة الخط الساخن بتاعهم

السفر للعمل

إحنا إتكلمنا عن نظام العمل في الخارج وعرفنا نظام العمل بس انت عارف ازاي تقدم عشان تاخد تأشيرة عمل في سفارة اي دولة ولازم توضح فى طلب التأشيره نوع العمل ايه ؟ يعنى مستقل ولا موسمى ولا دائم ؟ وكل دولة ليها شروط ونظم لازم تكون موجوده عندك.

خلي بالك ....

  • لازم يبقى معاك عقد عمل صحيح
  • لازم تكون بتعرف  لغة البلد اللي هاتسافر ليها على الاقل مستوى متوسط
  • لازم يكون معاك مهنة وشهادة خبرة في المهنة دي ( لو انت داخل البلد على اساس انك عامل تابع لشركه او شخص آخر) 

 

 
   

التعامل مع السفارات

عشان تحصل على تأشيرة لازم تكون كل اوراق طلب التاشيرة جاهزة عارف الاوراق دي ايه؟

  • جواز سفر يكون صالح على الاقل لمدة سنة
  • الشهادات العلمية المطلوبة لو انت رايح تدرس
  • شهادة تأمين صحي
  • صور شخصية حديثة خلفية بيضاء، وبنظارة طبية ان كنت ترتدي نظارة طبية
  • لو انت رايح سياحة او دراسة لازم يكون ليك حساب بنكي
  • تذكرة طيران ذهاب وعودة
  • حجز في فندق او مكان اقامة زي شقة بس تكون محددة العنوان
  • لو انت رايح شغل يبقى عقد العمل يضاف على الاوراق دي
  • واخيرا الطلب او النموذج الموجود في السفارة
  • خلي بالك ....

في سفارات مش بتطلب انك تروح عندها عشان تملى الطلب لكن ممكن تطبعه

من على النت وتملاه وتروح بيه مع الورق.

…………………………………………………………………………………….

 

إزاي تتعامل مع السفارات ؟

 

بمجرد ما تجهز كل الاوراق المطلوبة منك للحصول على تأشيرة الدولة اللي أنت رايحها في خطوات لازم تعملها:-

احصل على موعد لمقابلة في السفارة

معظم السفارات متعاقدة مع شركات المحمول او شركات الكول سنتر برقم مختصر تتواصل بيه عشان تطلب ميعاد وطبعا لازم ده قبل السفر على لاقل بمدة توصل لأربع شهور على الأقل.

وانت بتطلب الموعد لازم تحدد نوع التأشيرة اللي إنت عاوزها وميعاد سفرك إيه.

تروح قبل الموعد 

لازم تكون ادام السفارة قبل الموعد بنص ساعة على الاقل لانهم بينادوا على الاسماء اللي محدد لهم زيارة في اليوم ده، وخلي ورقك دائما جاهز ومصور نسختين منه.

اول ما تدخل السفارة

لازم تكون مبتسم وبشوش في السفارة خصوصا لما بيسألك موظف الشباك على بعض المعلومات ومهم جدا ان ردك يكون جاهز وبكل هدوء حتى لو هناك أي أسئلة مكررة.

...............................................................................................................

هناك العديد من البرامج التدريبية المتخصصة التي تقوم وزارة الدولة للهجرة والمصريين في الخارج التي يمكن الحصول عليها وذلك لرفع كفاءتك وتأهيلك للسفر بشكل آمن وكذلك الإندماج في المجتمع المضيف

  • سجل بياناتك في الموقع
  • خليك متواصل معانا من خلال التليفون و المواقع الرسمية للوزارة

 


 روابط ذات صلة:

كندا

 


تحميل الدليل الكامل للتوعية بسبل الامنة